“Tħaddar f’jiemu l-ġustizzja u s-sliem kotran għal dejjem”. Din il-wegħda mimlija tama tinżlilna għasel f’dan iż-żmien ta’ taqlib, ta’ atroċitajiet, ta’ taħwid, ta’ prekarjetà ekonomika u relazzjonali bejn il-bnedmin u l-ġnus, ta’ nuqqas ta’ rġulija u responsabilità fit-treġija.
Fi żmien ta’ instabilità fuq kull livell tal-ħajja soċjali, il-Profeta jħabbar din l-istabilità tal-ġustizzja u s-sliem li ġejjin minn Alla. Fix-xena idillika tal-lupu u l-ħaruf, tal-baqra u l-ors, tat-tarbija u l-lifgħa il-profeta jħabbar it-tmewwit tal-aggressività u l-vjolenza. Fil-Ġenesi, qabel id-dilluvju, nsibu li mat-takkbir tal-ġens uman il-ħażen u l-vjolenza kienu kibru fuq l-art hekk li kien meħtieġ tisfija sħiħa u wara d-dulluvju Alla jerġa jagħmel patt ma’ Noe u s-sinjal tal-Patt hija l-qawsalla li tindika l-ħbiberija u s-sliem bejn Alla u l-bnedmin u wkoll l-armonija miksuba mill-ġdid bejn il-bnedmin u l-ħolqien bla ebda distinzjoni, bħala rajna fl-Evanġelju t’llum li fih Ġesu’ jfaħħar lil Alla talli għoġbu jaqsam maċ-ċkejnin, jiġifieri dawk li huma dipendenti minn Alla l-istess ħwejjeġ tiegħu.
Is-Saltna Messjanika mhijiex se tasal bil-ħila tagħna, imma tasal fuqna għax hi don minn Alla. Jalla nisntabu fqar u ċkejknin biżżejjed li jkollna l-kuraġġ niftħu idejna ħalli nirċievu mingħand Allail-ġustizzja u s-sliem.
2 Comments to "“Tħaddar f’jiemu l-ġustizzja u s-sliem kotran għal dejjem”"
In the stressful time of thesis-writing, when I realize that prayer is not yet a priority for me, receiving a daily Advent reflection such as this one on my email, would be of great help.
Thank you for all that you do for the Kingdom of God. In my prayers!
Thank you very much for your comment and for finding our reflections soothing. We encourage you to subscribe to our rss feed to be updated of new posts. Good luck on your research.
Go Ahead, Leave A Comment