Ġesù llum jorbot il-ħniena man-nuqqas ta’ ġudizzju, nuqqas ta’ kundanna, ma’ kejl imburġat fil-ħżiem. Dan jagħmlu għax fil-ħatt il-ħniena tfittex li tqiegħed kollox f’postu u tara li jsir dak li għandu jsir u li jkun kif għandu jkun. Il-ħniena mhijiex meta jiena nitħassar lil xi ħadd li nidentifikah bħala miskin. Il-ħniena tfittex li lil dak […]

L-Evanġelju ta’ llum li jirrakkonta l-ġrajja tat-Trasfigurazzjoni tal-Mulej wieħed jista’ jarah minn diversi aspetti. Fil-mixja tar-Randan jieħu tifsira partikolari marbuta mal-mixja ta’ Ġesù lejn Ġerusalemm, il-belt li fiha Ġesù għamel l-Għid tiegħu. Tema mportanti f’San Luqa hija l-filjolanza ta’ Ġesù. Huwa mhux biss iben il-bniedem imma wkoll Iben Alla. L-anġlu fit-Tħabbira jippreżentah bħala Iben l-Għoli, […]

Is-Salmista llum idur lejn Alla “minn qiegħ l-art” filwaqt li jsejjaħ għall-ħniena tiegħu. Huwa jitlob mingħand Alla l-maħfra. Il-ħniena hija waħda mill-aspetti l-iktar importanti li jissemmew fil-Kotba Mqaddsa. Biss biss, il-kelma weħidha tissemma’ xejn inqas minn 243 darba b’referenza għal kif Alla jirrelata mal-bnedmin. P.eż. naqraw li Alla jirrelata magħna kif missier iħenn għal uliedu […]

“Lilna eħlisna bil-qawwa ta’ jdejk u għinni, lili, li jiena waħdi u ma għandi lil ħadd ħliefek, Mulej.” Din it-tnehida tas-Sultana Ester tiġbor il-karba tagħna lkoll kull darba li nduru lejn il-Mulej biex nitolbuh. X’ħasra li d-drabi li fihom induru lejn Alla biex nitolbuh ikunu kkaraterizzatti ħafna drabi minn bżonnijiet personali minflok tassew it-tifħir ta’ […]

Fl-ewwel qari tal-quddiesa tal-lum, meħud mill-Ktieb tal-Profeta Ġona, il-Knisja toffrilna tliet spunti għar-riflessjoni tagħna matul dan ir-Randan imqaddes. Is-silta mill-ewwel tiftaħ billi turina lill-Profeta magħqud kollu kemm mal-Kelma ta’ Alla. Il-Kelma tal-Mulej waslet lil Ġona biex imur Ninwè u hemm ixandar dak li jgħidlu Alla. Fil-fatt, karatteristika importanti tal-profeti hija l-għaqda intima tagħhom ma’ Alla […]

Il-kelma tal-Mulej (v.11) m’hijiex kelma kwalunkwe. Meta tintuża għal Alla, “dabar” fl-Ebrajk tfisser “mezz li bih tiġi s-salvazzjoni”, enerġija divina li toħloq fil-qlub tal-bnedmin art għammiela biex tisseddaq u titqaddes fil-preżenza t’Alla nnifsu. Il-kelma “dabar” tintuża aktar minn 390 darba fit-Testment l-Antik biss, xhieda tal-insistenza min-naħa t’Alla li jixtieq li jwassal lill-bnedmin fil-port tas-salvazzjoni, fil-mistrieħ […]

Diversi studjużi, interessati fl-għerq tal-kelma “qaddis”, jaraw fiha kwalità ta’ xi ħadd safi, pur, mhux imtappan bit-tlellix ta’ din id-dinja, filwaqt li oħrajn imorru pass iktar minn hekk u jaraw fil-qaddis element ta’ qtugħ. Bniedem ikun qaddis, jgħidu, jekk dan jinfired minn dak li hu mundan u limitat biex isir u jingħaqad iżjed ma’ dak […]

L-ewwel Ħadd tar-Randan dejjem jiftaħ bix-xena ta’ Ġesù li jmur fid-deżert għal erbgħin jum, bħall-poplu Lhudi li dam erbgħin sena jterraq fih wara l-ħelsien mill-Eġittu, bħal Mosè li dam erbgħin jum fuq is-Sinaj qabel irċieva l-kamndamenti, bħal Elija li maħrub fid-deżert dam erbgħin jum sa ma wasal f’Ħoreb il-muntanja tal-Mulej. Huwa għalhekk xieraq li l-mixja […]

Il-profeti kollha fil-Kotba Mqaddsa dejjem wissew lill-poplu li l-espressjonijiet tal-kult ma jfissru xejn u huma ritwali vojta, karnival jekk trid, jekk ma humiex imseħbin mal-ħajja tat-tjieba. Iżaija llum (Is 58:1-9) iqiegħed fuq fomm Alla l-ilment li l-poplu tiegħu imur quddiem Alla daqs li kieku hu gust, daqs li kieku kollox sejjer tajjeb! L-ewwel minn filgħodu […]

F’din is-Sena tal-Ħniena, iż-żmien tar-Randan jieħu togħma speċjali għax ilkoll ngħarfu li aħna neħtieġu li nirċievu l-Ħniena ta’ Alla u din il-Ħniena li tagħtina l-fejqan u s-sħuħija tal-qalb tagħmilna strumenti li nwasslu l-Ħniena ta’ Alla lil ħutna l-bnedmin. Il-mudell tagħna huwa Kristu li huwa l-Ħniena ta’ Alla l-Missier għalina, din il-Ħniena li għaddiet mill-esperjenzi umani […]